الانس والجان

إلى ضحكتي تضحك الانس و الجـان 00 وإلى زعلتي يزعل الكـون كلـه
يادرةٍ عـزة علـى كـل الاثـمـان 00 بالوصف عن كل الـدرر مستقله
يافرحـةٍ تـبسمـت بيـن الاحـزان 00 يافرجـةٍ بيـن الشدايـد أمطلـه
ياكـف شهـمٍ مـدهـا يم غرقـان 00 باخر رمق من تحت الامواج تلـه
ياضـوح برقٍ لاح بعيـون بـدوان 00 تباشروا عقـب السنين المغلـه
ياجرعةٍ عذبه على حلق عـطشـان 00 أمن الضما عجزت أعظامه تشله
ياصحةٍ جت مقبلـه يـم وجعــان 00 أربع سنيـنٍ ثـاويٍ في محلـه
يالذة الغـفوه على عيـن نعســان 00 مره تضم العيـن و مـره تفلـه
يافيضةٍ عشبه غدى اشكال والـوان 00 بالسدر عن شمس الظهر مستظله
يانسمةٍ تسللـت بيـن الاغـصـان 00 يـاوردةٍ مـن شمهـا مايمـلـه
صرتي ورب البيت للـزين عنـوان 00 كنك شعاع الشمس والناس ظلـه
لو قسموا زينك على كـل الاقـران 00 كفى وفاض ومابقي شَيَـنْ لـَلْـه
ماهمني غيرك من العالم انســان 00 من بينهم وسط الحـشا مستحلـه
يارب سهل دربهـا ويـن ماكـان 00 وخل الحيـاة بوجههـا مسفهلـه
يارب وفقهـا علـى كـل ميـدان 00 يـارب لاتجعـل حياتـه ممـلـه
أعيذهـا بالله مـن كـل شيطـان 00 واعيذها من كـل نفـسٍ مضٌلـه
أستغفر الله واحمده عالي الشـآن 00